ლევან ჯავახიშვილი
„ქართული ოცნების“ ერთ-ერთმა ლიდერმა, ირაკლი კობახიძემ, კიდევ ერთხელ გაიხსენა ევროკავშირის 75 მილიონიანი მიკროსაფინანსო დახმარება, რომელზედაც უარი თქვა საქართველოს მთავრობამ. „საზოგადოებას შევახსენებთ, რომ ევროკავშირის მიერ გამოსაყოფი 75 მილიონი იყო არა გრანტი, არამედ კრედიტი და ეკონომიკური ზრდის მაღალი ტემპის გამო, საქართველოს მთავრობამ დამატებითი ფინანსური ვალდებულებების აღებაზე სრულიად დასაბუთებულად თქვა უარი“-განაცხადა ირაკლი კობახიძემ.
„ალიას“ ამ საკითხზე ესაუბრება ეკონომიკის დოქტორი, პროფესორი, ოთო აბესაძე.
– ოთო, ევროკავშირის მიერ გამოყოფილი 75 მილიონი, რომელიც ჩვენმა მთავრობამ ბოლო მომენტში არ აიღო, გრანტი იყო თუ კრედიტი?
– კი, ეს იყო ევროკავშირის მიერ მოწოდებული სესხი, კრედიტი, რომელიც უნდა მოხმარებოდა სასამართლო ხელისუფლებას. კერძოდ, სასამართლოს რეფორმას. ეს იყო გრძელვადიანი და დაბალპროცენტიანი სესხი, ფაქტიურად, გრანტი. თუმცა, ხელისუფლებან უარი თქვა მასზე. იმდენად შეღავათიანი კრედიტი იყო, რომ მე ავიღებდი.
– ეკონომიკის ზრდის მაღალი ტემპის გამო რომ უთქვამთ უარი ამ კრედიტზე, ეს არ ვიცოდი და ეს ხალხის მორიგი დაცინვა არ არის?
– ვისაც ჰგონია, რომ ქვეყანაში ეკონომიკური აღმავლობაა, მას ეკონომიკასთან შეხება საერთოდ არ ჰქონია, პირდაპირ გეტყვი.
– ყველა ხვდება, რომ ეკონომიკური აღმასვლა კი არა, უკუსვლა და მძიმე ეკონომიკური მდგომრეობაა ქვეყანაში და რატომ აკეთებენ ასეთ განცხადებებს ან პრემიერი ან კობახიძე? ხელისუფლების ორივე შტოს-პარლამენტისა და მთავრობის ეკონომიკური პროფილის ლიდერები უსირცხვილოდ ამბობენ, რომ ეკონომიკური აღმავლობაა. არავინ აღარ ტყუვდება ამით და რაში სჭირდებათ? რა მიზანი აქვთ?
– საბოლოო ჯამში, ეს ყველაფერი დაითვლება შემოდგომით, ექსპორტ-იმპოტი და ა.შ. და რეალურად და უფრო დეტალურად გამოჩნდება ჩვენი ეკონომიკური მდგომარეობა. ამ ეტაპზე მე ვერ ვხედავ ვერანაირ ეკონომიკურ წინსვლას ეკონომიკაში და რომ ქვეყანაში გვაქვს რაღაც ეკონომიკური მიღწევები. უფრო მეტი ადამიანი ტოვებს ქვეყანას, ლარი უფასურდება, პროდუქტები ძვირდება და ზოგადად, ყველაფერი უარესდება. ეს ეკონომიკური წინსვლა არ არის. შესაბამისად, რა აძლევთ ოპტიმიზს, მე ეს არ მესმის. სასიკეთოს მე ვერ ვხედავ ვერაფერს.
კომენტარები