“პრემიერს არ მოსწონს ევროპარლამენტი… ჩვენი საფუძველი ფეიკნიუსი კი არა, ფაქტები გახდა” – გრეგოროვა

ევროპარლამენტარი მარკეტა გრეგოროვა, ტელეკომპანია “ფორმულასთან” საუბარში, საქართველოს მთავრობის განცხადებებს ეხმაურება და ამბობს:

“რა თქმა უნდა, პრემიერის მხრიდან ჩვენს მიმართ ვისმენთ შეურაცხყოფას. მას ნამდვილად არ მოსწონს ევროპარლამენტი, მაგრამ წარმოდგენა არ მაქვს რატომ. თუ ის პროევროპელია და მართლაც სურს, რომ მისი ქვეყანა წავიდეს ევროპის მიმართულებით, უნდა დაიცვას კანონის უზენაესობის და დემოკრატიის სტანდარტები.

გარწმუნებთ, ჩვენი საფუძველი არ გამხდარა ფეიკნიუსი, ჩვენი საფუძველი გახდა ფაქტები და მონაცემები. ჩვენ ველაპარაკებით როგორც ქართული ოცნების, ასევე ოპოზიციის, არასამთავრობოების და სამოქალაქო საზოგადოების წარმადგენლებს, რომლებიც აფასებენ მედიათავისუფლებას და ობიექტურად ადევნებენ თვალს სხვადასხვა საქმეს. ჩვენ მკაფიო ვართ ამ საკითხზე.”