8 წლის დათი ქოქრაშვილი, კოსტავას ქუჩაზე მომხდარი ავტოავარიის შემდეგ უკვე მესამე თვეა მკურნალობა-რეაბილიტაციის მძიმე პერიოდს უცხოეთში გადის. როგორც დათას დედა წერს, 8 წლის ბიჭმა ცოტა ხნის წინ გაიგო, რომ ტრაგიკული შემთხვევის შედეგად ცალი კიდური აღარ აქვს.
“დილა მშვიდობისა. დათიკომ რომ ფეხის ამბავი გაიგო ძალიან ვაჟკაცურად მიიღო. პირველი, რაც იკითხა იყო “ჩემმა ძმებმა თუ იციანო”. თითქოს დიდად არ გამოხატავდა ემოციებს და მიხაროდა, რა მშვიდად მიიღოთქო, მაგრამ აღმოჩნდა, რომ შინაგანად ძალიან განცდებშია და დეპრესია დაგვეწყო, სულ დაღლილია და ეძინება.
გული მტკივაო ამბობს, აღარც მადა აქვს და სულ უხასიათოდაა. ძალიან ოფლიანობს და სატურაციას ვეღარ ვიჭერთ ჟანგბადის ნიღბის გარეშე. თავიდან ფილტვების ანთება ან კოვიდი გვეგონა, მაგრამ გამორიცხეს. მჯერა ამასაც მალე გადავაგორებთ,” – წერს სოციალურ ქსელში ქრისტინე მამუკაშვილი.
შეგახსენებთ, თბილისში, შარტავას ქუჩაზე ავტომანქანა, სკოლაში მიმავალ 8 წლის ბავშვს 31 მარტს დაეჯახა. ავტომანქანის მძღოლი დააკავეს.
კომენტარები