დელავერის რეზიდენციიდან აშშ-ის პრეზიდენტისა და პირველი ლედის ევაკუაცია განხორციელდა. ინფორმაციას ამის შესახებ სი-ენ-ენი ავრცელებს.
ინფორმაციის თანახმად, ჯო და ჯილ ბაიდენები რეჰიბოთ ბიჩში მდებარე სახლში ისვენებდნენ, როდესაც აკრძალულ საჰაერო სივრცეში მცირე ზომის კერძო თვითმფრინავი შეამჩნიეს. ამ ფაქტის გამო, აშშ-ის პრეზიდენტისა და პირველი ლედის ევაკუაცია განხორციელდა.
„კერძო თვითმფრინავი აკრძალულ საჰაერო სივრცეში შევიდა, ამიტომ მიღებულ იქნა სათანადოზომები. პრეზიდენტსა და მის ოჯახს საფრთხე არ ემუქრება“, – განაცხადა ოფიციალურმა პირმა, რომელმაც ინფორმაცია მედიას მიაწოდა.
გაირკვა, რომ აკრძალულ ზონაში თვითმფრინავი შეცდომით მოხვდა და პილოტთან კომუნიკაციის შემდეგ, ის ზონიდან გაიყვანეს.
კომენტარები