“მგონია, რომ კანდიდატის სტატუსს სამივე ქვეყანა მივიღებთ” – თინა ხიდაშელი

თავდაცვის ყოფილი მინისტრი, თინა ხიდაშელი, “ტვ პირველთან” ამბობს:

პირველი, აქ მარტო საქართველოს ბედი არ წყდება, აქ დგას სამი ქვეყნის ბედის ამბავი, აქ დგას რუსული აგრესიისთვის დაპირისპირების ამბავი, მეორე –  ნებისმიერი გადაწყვეტილება, რომელიც ევროკავშირმა შეიძლება მიიღოს, არ არის გადაწყვეტილება მხოლოდ საქართველოსთვის, უკრაინისთვის, ან მოლდოვასთვის, ის არის გადაწყვეტილება ასევე მოსკოვისთვის და გზავნილი, მოსკოვისთვის სათქმელად, რომ ევროკავშირი დამოუკიდებელია გადაწყვეტილებებში და რუსეთის მოქმედებები ვერ გააჩერებს მის ნება და არჩევანს და მესამე – ეს არის თავად ევროპის უსაფრთხოებისთვის მისაღები გადაწყვეტილება – ევროპული უსაფრთხოების ბედი წყდება დღეს კიევში და ყველა იმ გადაწყვეტლების მიღებას, რაც ამ ომს უკავშირდება – ამიტომ, მე მაინც მგონია, რომ კანდიდატის სტატუსს ჩვენ სამივე ქვეყანა მივიღებთ. შესაძლოა, ჩანაწერი იყოს განსხვავებული, იმიტომ რომ ვითარება არის განსხვავებული, დემოკრატიული გზა, რეფორმები არის განსხვავებული.

მაქვს მოლოდინი, რომ სამივეს მოგვცემენ კანდიდატის სტატუტსს, ჩანაწერებში კი განსხვავება იქნება სწორედ პირობითობაში, რომელსაც ჩვენ ქვეყნებს დაუწესებენ, ან შემდგომ ეტაპზე გადასვლისთვის, ან თავად ამ კანდიდატის წევრობის შენარჩუნება-დაკარგვისთვის. არ მაქვს პესიმისტური განწყობა, მგონია, რომ იქნება… თავად ემანულე მაკრონმაც კი შეიცვალა ამ ორი დღის განმავლობაში პოზიცია და თქვა, რომ საფრანგეთი მზად არის რადიკალურად გადახედოს პოზიციებსო, რაც უზარმაზარი ნაბიჯია წარმატებისკენ, რადგან საფრანგეთი, ერთ-ერთი მთავარი სკეპტიკოსი ქვეყანაა.