ახმეტაში „ალტ-ინფოს” ორგანიზაციის გახსნა გააპროტესტეს – აქციაზე დაპირისპირება მოხდა

ახმეტაში, სამოქალაქო აქტივისტებსა და „კონსერვატიული მოძრაობის” წევრს შორის სიტყვიერი დაპირისპირება მოხდა, რის გამოც პოლიციამ ტერიტორიიდან 2 პირი განარიდა.

მხარეებს შორის დაძაბულობა მას შემდეგ დაიწყო, რაც ახალგაზრდების ჯგუფი ტრანსფარანტებით – „არა რუსეთს”, „რუსეთი ოკუპანტია”, „არა ალტ ინფოს საქართველოში” ოფისთან გამოჩნდნენ და ახმეტაში ორგანიზაციის გახსნა გააპროტესტეს.

მხარეებს შორის სიტყვიერი დაპირისპირება დაახლოებით ნახევარ საათს გრძელდებოდა.

აქციის მონაწილეების განმარტებით, პროტესტის ასეთი ფორმა საქართველოს სხვადასხვა რეგიონში იქამდე გაგრძელდება, ვიდრე „კონსერვატიული მოძრაობის” ოფისები არ დაიხურება. „კონსერვატიული მოძრაობის” ოფისში კი მომხდარი შემთხვევა პროვოკაციად შეაფასეს.