რუსეთის ცნობით, “აზოვსტალიდან” ევაკუირებული 900 სამხედრო წინასწარი დაკავების იზოლატორში გადაიყვანეს, – აღნიშნულის შესახებ ინფორმაციას “სიენენი” ავრცელებს.
რუსეთის საგარეო საქმეთა სამინისტროს სპიკერმა მარია ზახაროვამ ოთხშაბათს განაცხადა, რომ “აზოვსტალში” სულ 959 უკრაინელი ჯარისკაცი “ჩაბარდა”, მათ შორის 51 მძიმე ჭრილობებით იყო.
მან კიდევ ერთხელ დაადასტურა, რომ დაშავებულები მკურნალობენ ნოვოაზოვსკის საავადმყოფოში, თვითგამოცხადებული დონეცკის სახალხო რესპუბლიკაში (DPR), ხოლო დანარჩენები გაგზავნეს წინასწარი დაკავების ცენტრში ქალაქ ოლენივკაში, ფრონტის ხაზთან ახლოს, მაგრამ DPR-ის მიერ კონტროლირებად ტერიტორიაზე.
ტექსტში ნათქვამია, რომ “სიენენი” აღნიშნულ მონაცემებს ვერ ადასტურებს. ამასთან დაკავშირებით ინფორმაცია არც უკრაინულ მხარეს არ გაუვრცელებია.
Amnesty International-მა განაცხადა რომ უკრაინელი ჯარისკაცები, რომლებიც ჩაბარდნენ ფოლადის ქარხანაში, არ უნდა იყვნენ არასათანადო მოპყრობის მსხვერპლნი და დაუყოვნებლივ უნდა მიიღონ წვდომა საერთაშორისო წითელ ჯვართან.
შეგახსენებთ, რომ რუსებმა ქალაქი მარიუპოლი და “აზოვსტალის” ქარხანა თითქმის სამი თვეა რაც ალყაში მოაქციეს. ადგილზე მყოფი ადამიანები სასიცოცხლო რესურსების გარეშე დარჩნენ.
ცნობისთვის, რუსეთმა უკრაინაში ფართომასშტაბიანი ომი 24 თებერვალს დაიწყო და ოკუპანტის აგრესია ამ დრომდე გრძელდება.
კომენტარები