“”რას შვრებით ბატონო სტოლტენბერგ?…ნაღდად მტრების ჯინაზე ხვდებით ირაკლი ღარიბაშვილს”- ნიკოლეიშვილი

“რას შვრებით ბატონო იან სტოლტენბერგ, ამას რას უკეთებთ მავნებელ ოპოზიციას, გრანტიჭამია არასამთავრობოებსა და ფეიკ ტელევიზიებს? ძლივს, რამდენიმე საათით გაიხარეს არიქა NATO-ს გენერალური მდივანი საქართველოს პრემიერს არ ხვდებაო, და ახლა იგებენ რომ მაინც ხვდები?! აკი ავადაოო?! არა, მანამდე სულ არ ახსენებდნენ ავად იყო თუ კარგად, მარტივი მაგრამ უმკაცრესი და უსასტიკესი ვერდიქტი გამოიტანეს NATO-მ საქართველოს წითელი ბარათი აჩვენა, იგეგმება ჩრდილოატლანტიკური ალიანსისა და რუსეთის ერთობლივი საჰაერო ოპერაცია-სამხედრო ბომბდამშენებით დაიბომბება საქართველოს ტერიტორია (მარტო სახელმწიფო კანცელარია, „ქართული ოცნება“ კი არა, მთელი ტერიტორია!), ერთადერთი ადგილი რომელიც გადარჩება ნაციონალების ოფისი და მათი ტელევიზიები იქნება! ვისთვისაც დემოკრატია, ევროატლანტიკური ღირებულებები ძვირფასია თავი შეგიძლიათ იქ შეაფაროთ და ასე შემდეგ. დაბომბვის მიზეზი საქართველოს ხელისუფლებისა და მოსახლეობის ცუდი ქცევა! მოკლედ რა არ მოიგონეს და ამ დროს შეხვედრა მაინც შედგებაო! ვახ! არ იძახიან,მაგრამ სავარუდოდ ნაც-მავნებლები ფიქრობენ, თუ ავად იყო ეს იან სტოლტენბერგი, ღარიბაშვილთან შეხვედრას მომკვდარ-იყო ჯობდაო.

მე კი ბატონო იან, იმედი მაქვს წარმატებულ და საქმიან შეხვედრა გექნებათ საქართველოს პრემიერ მინისტრთან, და რა თქმა უნდა ჯანმრთელობას და მხნეობას გისურვებთ, მიუხედავად იმისა ჩვენს რადიკალურ-მავნებელ-ოპოზიციას-არასამთვრობო-ფეიკ ტელევიზიების კოალიციას რომ გული გაუხეთქეთ! ისე, მაინც რა წესია, თუ ავად არის კაცი რა შეხვედრები აუტყდა?! ნაღდად მტრების ჯინაზე ხვდება ირაკლი ღარიბაშვილს, განასკუთრებით საქართველოს შინაური მტრების ჯინაზე!