„მთავარი არხის“ დირექტორის ნიკა გვარამიას დაკავებას სოციალურ ქსელში ფოტოხელოვანი გოგა ჩანადირი ეხმაურება₾:
„ნიკა გვარამიას საქმეში მე ვხედავ პოლიტიკურ მოტივაციას, კრიტიკული მედიის დასუსტებისა და გაქრობის მცდელობას, თავისუფალი სიტყვის საფრთხეს, შერიგების იდეის განუხორციელებლობას, განსხვავებული პოლიტიკური შეხედულებების მქონე ადამიანების მიმართ კანონის სახელით ანგარიშსწორების რისკსა და პოლიტიკური ვითარების არამდგრადობის გაგრძელებას.
საქართველოს მეხუთე პრეზიდენტმა სალომე ზურაბიშვილმა უნდა გამოიყენოს კანონით გათვალისწინებული შესაძლებლობა, ნიკა გვარამია გაათავისუფლოს, რათა შერიგებისა და სიტყვის თავისუფლებისთვის წინ წავიწიოთ.
მინაწერი:
ახლა ნუ დაიწყებთ, ნიკა გვარამია ილანძღებოდა, ვიღაცას დაარტყა და ასე შემდეგ.
რაც ბოლო წლებში მან გადაიტანა, კიდევ როგორ შერჩა ნერვები, მიკვირს. პირადად მე ვერც გადავიტანდი. თანაც, ეს ყველაფერი მისი დაპატიმრების გამართლების მიზეზი არ არის.
Nika Gvaramia გამოვხატავ თანადგომას და მხარდაჭერას შენ მიმართ, “მთავარ არხის” მიმართ“.
კომენტარები