უკრაინის პრეზიდენტი, ვოლოდიმირ ზელენსკი ევროვიზიაზე უკრაინის გამარჯვებას ეხმაურება და სოციალურ ქსელში წერს.
„მომავალ წელს ევროვიზიას უკრაინა უმასპინძლებს! მესამედ თავის ისტორიაში და მჯერა — არა უკანასკნელად. ყველაფერს გავაკეთებთ, რომ ერთ დღეს თავისუფალ, მშვიდობიან და აღდგენილ მარიუპოლში ვუმასპინძლოთ ევროვიზიის მონაწილეებსა და სტუმრებს. მადლობა გამარჯვებისთვის Kalush Orchestra-ს და ყველას, ვინც ხმა მოგვცა! დარწმუნებული ვარ, მტერთან ბრძოლაში ჩვენი გამარჯვების აკორდი შორს არ არის”,- წერს ზელენსკი.
იტალიაში, ევროვიზია 2022-ის ფინალურ კონცერტზე, გამარჯვებული უკრაინა გახდა. ქვეყანა ჯგუფმა Kalush Orchestra-მ, სიმღერით Стефанія წარადგინა.
კომენტარები