უკრაინაში რუსულ არმიასთან შეტაკებების დროს ქართველი მებრძოლები დაშავდნენ. დაჭრილია 1 და დაშავებულია 12 მებრძოლი. ქართველი მებრძოლი მიხო ვაჩარაშვილი, რომელიც ყველაზე მძიმედ დაიჭრა, ჰოსპიტალოიზირებულია და სასწრაფო ოპერაცია უტარდება.
შეტაკებები ქათველ მებრძოლებსა და ოკუპანტებს შორის ქალაქ რუბეჟნოეში მოხდა. რუსულმა არმიამ იერიში იმ შენობაზე მიიტანა, სადაც ქართველი და უკრაინელი ჯარისკაცები იმყოფებოდნენ.
“შევედით ერთ-ერთ სოფელში, გავყარეთ მოწინააღმდეგე. ჩეჩნებიც იყვნენ იმ სოფელში, რუსებიც იყვნენ. უკან დაიხიეს და ერთ-ერთი კლუბი ავიღეთ, რაღაც თეატრის პატარა შენობა იყო და ეს ადგილი რომ დავიკავეთ, რამდენიმე საათში ავიაციამ დაგვარტყა რუსების. 2 სართულიანი შენობა იყო და სულ ბოლომდე ჩაიტანა. დაგვეღუპა 2 უკრაინელი და დაგვეჭრა ბიჭები”, – ამბობს ერთ-ერთი ქართველი მეომარი.
კომენტარები