უკრაინაში რუსეთის სრულმასშტაბიანი შეჭრის შედეგად 223 ბავშვი დაიღუპა, – ამის შესახებ ინფორმაციას უკრაინული მედია უკრაინის პროკურატურაზე დაყრდნობით ავრცელებს.
„2022 წლის 5 მაისის დილის მდგომარეობით უკრაინაში რუსეთის ფედერაციის შეიარაღებული აგრესიის შედეგად 631-ზე მეტი ბავშვი დაშავდა. ოფიციალური მონაცემებით, დაიღუპა 223 ბავშვი და დაშავდა 408-ზე მეტი“, – ნათქვამია განცხადებაში.
აღნიშნულია, რომ ეს მაჩვენებლები არ არის საბოლოო, რადგან მიმდინარეობს მუშაობა აქტიური საომარი მოქმედებების ადგილებზე, დროებით ოკუპირებულ და გათავისუფლებულ ტერიტორიებზე დაფიქსირებაზე.
პროკურატურის ცნობით, ყველაზე მეტად დაზარალდნენ დონეცკის ოლქში – 139, კიევში – 116, ხარკოვში – 95, ჩერნიგოვს – 68, ხერსონში – 46, მიკოლაევში – 44, ლუგანსკში – 37, ზაპოროჟიეში – 27, სუმი – 17, ჟიტომირი – 15.
რუსეთის შეიარაღებული ძალების მიერ დაბომბვის შედეგად დაზიანდა 1607 სასწავლო დაწესებულება. ამასთან, მათგან 121 მთლიანად განადგურდა.
კომენტარები