პოპასნოეში რუსმა ოკუპანტებმა მშვიდობიანი მოქალაქეებით სავსე ავტობუსები დაცხრილეს. 50-მდე მოქალაქე დაბომბილი ქალაქიდან გამოსვლას ცდილობდა, თუმცა რუსებმა კვლავ დაარღვიეს სიჩუმის რეჟიმი და ცეცხლი საევაკუაციო დერეფნების მიმართულებით გახსნეს.
“სიჩუმის რეჟიმის” დარღვევის შესახებ ინფორმაციას ქალაქის ადმინისტრაცია ადასტურებს. დაჭრილებსა და გარდაცვლილებზე დამატებითი ინფორმაცია ამ დრომდე არ გავრცელებულა.
აღსანიშნავია, რომ მოსახლეობის ევაკუაცია ქალაქიდან გუშინ ღამე დაიწყო. მანამდე 2 ავტობუსი გამოვიდა ქალაქიდან და ევაკუაცია 31-მა ადამიანმა შეძლო.
ცნობისთვის, უკრაინაში სასტიკი ომის 66-ე დღეს პუტინის საოკუპაციო არმია კვლავ მშვიდობიან მოსახლეობას ბომბავს. ინტენსიური დარტყმის ქვეშ მოყვა ხარკოვი.16-ჯერ მიიტანეს იერიში ოკუპანტებმა ლუგანსკის ოლქზე. განადგურებულია რამდენიმე სოფელი. რამდენიმე ფრთოსანი რაკეტა გაუშვეს ოდესის მიმართულებით, რომელთა განეიტრალებაც უკრაინამ შეძლო. უმძიმესი მდგომარეობაა მარიუპოლში. ალყაშემორტყმულ ქალაქში ამ დრომდე მძიმე ჰუმანიტარული კატასტროფაა. შეტაკებები გრძელდება აზოვსტალშიც. ქარხნის ტერიტორიაზე შეღწევას რუსეთის საოკუპაციო ძალები გასულ ღამესაც ცდილობდნენ. კიევის ოლქში კი ახალი სამარხები აღმოაჩინეს. პრეზიდენტ ზელენსკის თქმით, საფლავში 900-მდე ცხედარია.
კომენტარები