ევროპის უსაფრთხოებისა და თანამშრომლობის ორგანიზაციამ (OSCE), რომელიც წლების განმავლობაში ახორციელებდა სადამკვირვებლო მისიას აღმოსავლეთ უკრაინაში, გუშინ განაცხადა, რომ მონიტორინგისთვის ხანგრძლივი განლაგება უნდა შეწყვიტოს.
სადამკვირვებლო მისიის გაგრძელებას ვეტო მოსკოვმა დაადო.
“ეს არ არის მარტივი გადაწყვეტილება… მაგრამ რუსეთის ფედერაციის პოზიციამ სხვა გზა არ დაგვიტოვა, გარდა ნაბიჯების გადადგმისა მისიის დასახურად”, – განაცხადა ეუთოს თავმჯდომარემ, პოლონეთის საგარეო საქმეთა მინისტრმა ზბიგნევ რაუმ.
ეუთოს სპეციალური სადამკვირვებლო მისია უკრაინაში 2014 წლიდან იყო განლაგებული, როდესაც პირველად დაიწყო კონფლიქტი უკრაინის ჯარებსა და რუსეთის მიერ მხარდაჭერილ ამბოხებულებს შორის. ეუთო იყო ერთადერთი საერთაშორისო ორგანიზაცია, რომელიც უშუალოდ მიჰყვებოდა კონფლიქტის მიმდინარეობას.
კომენტარები