“ტიკ-ტოკში” გავრცელდა ვიდეო, რომელშიც ჩანს, როგორ იმუქრება და ბილწსიტყვაობს ანაფორით შემოსილი პირი. გაირკვა, რომ ის არის, კეთილგონიერი ავაზაკის მონასტრის მორჩილი და რატომ ჩაწერა ასეთი მიმართვა, ჯერჯერობით დაუდგენელია.
„ყველას გაგაჩენინებთ გოგოებსა და ბიჭებს. ძაღლის შვილები თქვენ ხართ, თქვენ უტაქტო ადამიანებო. თქვენი დედა ვატირე. თქვენ ცოლებთან გავიარე და გამოვიარე… თქვენ განახებთ, როგორ კვდებიან თქვენი ჯიშის და მოდგმის ადამიანები. მეტი რა გითხრათ და როგორ გაგაგებინოთ. იმენნა ოჯახში რომ გყავთ კარგი ჯიშიანი მანდილოსნები, იმათთან გავიარე და გამოვიარე… შენ ხარ “კლავიატურშიკი” და შენ თუ არ წამო***ვა, მე ვიყო არაადამიანი. აი, აქ დავამთავრე“ – ამბობს ვიდეოში მორჩილი.
გავრცელებულ ვიდეოს საპატრიარქოს საზოგადოებასთან ურთიერთობის სამსახური გამოეხმაურა. საპატრიარქომ კეთილგონიერი ავაზაკის მონასტრის მორჩილის ქმედებების გამო, ეპარქიას რეაგირება დაავალა.
როგორც საპატრიარქოში აღნიშნავენ, ფაქტმა საზოგადოების სამართლიანი აღშფოთება გამოიწვია.
„როგორც დადგინდა, აღნიშნული პიროვნება რუის-ურბნისის ეპარქიის კეთილგონიერი ავაზაკის სახელობის მონასტრის მორჩილია. მისი ქმედების შესახებ დაუყოვნებლივ ეცნობა ეპარქიას, რათა საეკლესიო სამართლის ფარგლებში ეპარქიაშივე მოხდეს ზემოაღნიშნულ ფაქტზე სათანადო რეაგირება,” – ნათქვამია გავრცელებულ ინფორმაციაში.
კომენტარები