“ქართული ოცნების” თავმჯდომარე, ირაკლი კობახიძე ამტკიცებს, რომ ბიძინა ივანიშვილისა და სანქცირებული რუსი ოლიგარქის, ვლადიმერ ევტუშენკოვის გავრცელებული ჩანაწერი ავთენტური რომც იყოს, “ამაში არავითარი პრობლემა არ არის”.
“დავუშვათ, რომ ეს არის ავთენტური, არის საუბარი ასეთ შემთხვევაში ორ ადამიანს შორის, რომელსაც აკავშირებს ძველი ურთიერთობები, ეს საუბარი არის ძალიან ლაკონური და საქმე ეხება რაღაც ინიციატივას, თუ არ ვცდები, რომელიც უკავშირდება სავაჭრო ურთიერთობებს, რაც არის ლეგიტიმური, დაშვებული, ჩვენ გვაქვს სავაჭრო ურთიერთობები რუსეთთან, ისევე როგორც უკრაინას აქვს გაზის ნაწილში სავაჭრო ურთიერთობები რუსეთთან, ნებისმიერი ლეგიტიმური სავაჭრო ურთიერთობის ფარგლებში, ნებისმიერი საუბარი არის ბუნებრივია ლეგიტიმური. თუ არის ავთენტური, ამაში არავითარი პრობლემა არ არის, როცა ძველი ნაცნობი გირეკავს და გთავაზობს ლეგიტიმური სავაჭრო ურთიერთობების ფარგლებში რაღაც ინიციატივას, და შენ როდესაც ამაზე რეაგირებ ძალიან ლაკონურად, ამაში არაფერი სტანდარტული არ არის. ამიტომაა, რომ ვერაფრით ვერ ააგორეთ ეს თემა”, – თქვა კობახიძემ.
კომენტარები