რუსეთის ქალაქ ტვერში, თავდაცვის სამინისტროს კვლევით ინსტიტუტში ხანძარი გაჩნდა. ხანძარს, რუსული მედიის ცნობით შვიდი ადამიანი ემსხვერპლა. 25-მდე ადამიანს კი სამედიცინო დახმარება დასჭირდა. ერთი ადამიანის ბედი კი ამ წუთამდე გაურკვეველია. გავრცელებული ცნობით, ხანძარი ლოკალიზებულია. ადგილობრივი მედიის ცნობით, ადამიანებმა სხეულის დაზიანებები მეტწილად, ფანჯრიდან გადმოხტომისას მიიღეს.
მედიის ცნობით, ცეცხლი მეორე სართულზე გაჩნდა და სწრაფად მოედო ყველა სართულს. ხანძრის შედეგად ჩამოინგრა შენობის სახურავი. ხანძრის მიზეზის გამოძიება სამხედრო პროკურატურამ დაიწყო.
კომენტარები