საქართველოსა და უკრაინის თავისუფლებისთვის ბრძოლას ოკუპანტების წინააღმდეგ აგრძელებენ ქალებიც. სნაიპერი დარეჯან მაისურაძე, უკრაინაში 2014 წლიდან იმყოფება, ახლა ერთ-ერთი ქალაქის ტერიტორიულ დაცვაშია და ბლოკპოსტებზე პატრულირებს.
“შინაგან საქმეთა სამმართველოში ვარ მე, როგორც ყოფილი თანამშრომელი. მოქმედი და ყოფილი თანამშრომლებისგან იქმნება ჯგუფი და დავდივართ, პატრულირებას ვაკეთებთ ქალაქში. ვაკონტროლებთ, რომ არ იყოს დივერსანტები. საკმაოდ ბევრი დავაკავეთ, სხვათა შორის. ჩვენთან შედარებით სიმშვიდეა გამომდინარე იქიდან, რომ არ ვიბომბებით, უბრალოდ, სირენების ქვეშ ვცხოვრობთ. მომზადებული გვაქვს ყველაფერი და თუ მოუნდებათ ჩვენკენ გადმოხედვა, დავხვდებით ისე, როგორც საჭიროა. მზად ვართ ყველაფრისთვის”,- ამბობს ქართველი სნაიპერი ქალი „მთავართან“. ცნობისთვის, რუსეთმა ომის მეორე ფაზა დაიწყო, რაც აღმოსავლეთში, დონბასის რეგიონზე მასშტაბურ შეტევას მოიცავს.
კომენტარები