უკრაინის პრეზიდენტის, ვოლოდიმირ ზელენსკის განცხადებით, ომის დაწყებიდან დღემდე 2500-3000 უკრაინელი სამხედროა მოკლული. ამის შესახებ პრეზიდენტმა CNN-თან ინტერვიუს დროს განაცხადა.
„ჩვენი ინფორმაციით, 2500-დან 3000-მდე სამხედრო დავკარგეთ. კიდევ 10 000 სამხედრო დაჭრილია და რთულია იმის თქვა, რამდენი მათგანი გადარჩება. შედარებისთვის, რუსეთმა ომში უკვე 19-20 ათასი სამხედრო დაკარგა“, – აცხადებს ზელენსკი.
მან ასევე ისაუბრა მოკლულ სამოქალაქო პირებზე და განაცხადა, რომ მათი ზუსტი რიცხვის განსაზღვრა რთულია.
„ქვეყნის სამხრეთ ნაწილში მდებარე ქალაქები – ხერსონი, ბერდიანსკი, მარიუპოლი, ვოლნოვახა ბლოკირებულია და ჩვენ უბრალოდ არ ვიცით, რამდენი ადამიანია იქ მოკლული“, – ამბობს ზელენსკი.
კომენტარები