Reuters – ინგორმაციით, რუსეთის რკინიგზა პირველი სახელმწიფო კომპანიაა, რომელმაც $268-მილიონიანი ობლიგაციის კუპონის დროული მომსახურება ვერ შეძლო და დეფოლტამდე მივიდა.
მედია წერს, რომ ევროპულმა სავალო სააგენტომ მხარი დაუჭირა რუსეთის რკინიგზისთვის დეფოლტური კლასიფიკაციის ოფიციალურად მინიჭებას.
რკინიგზის წარმომადგენლების განმარტებით, სახელმწიფო კომპანია კუპონის გადახდას შეეცადა, თუმცა ეს დროულად ვერ შეძლო, რაც საბანკო სისტემაში შექმნილი რეგულატორული გართულებებით იყო გამოწვეული.
ექსპერტების შეფასებით, რუსეთის რკინიგზის დეფოლტამდე მისვლა პირდაპირ კავშირშია უკრაინაში შეჭრის გამო დაწესებულ ეკონომიკურ სანქციებთან.
აღსანიშნავია, რომ გავლენიანმა სარეიტინგო კომპანიებმა, Fitch-მა, Moody’s-მა და S&P Global-მა რუსეთის სუვერენული და სავალუტო რეიტინგები გარდაუვალი დეფოლტის დონემდე შეამცირეს. აშშ-ის მსხვილი საინვესტიციო ბანკი Morgan Stanley კი რუსეთის მიერ დეფოლტის გამოცხადებას მიმდინარე თვეს პროგნოზირებს.
რუსეთის ფინანსთა სამინისტროს განცხადებით, ის არ დაუშვებს, რომ ქვეყანამ დეფოლტი გამოაცხადოს. ამისათვის, მთავრობა უცხოურ ვალუტაში დენომინირებული ობლიგაციების დაფარვას რუბლში გეგმავს. ექსპერტთა ნაწილი სახელმწიფოს მიერ ობლიგაციების რუბლში დაფარვას ხელშეკრულების პირობების დარღვევად და ვალდებულებების შეუსრულებლობად მიიჩნევს.
კომენტარები