ლუგანსკის რეგიონალური სახელმწიფო ადმინისტრაციის ხელმძღვანელმა სერგეი გაიდაიმ ისაუბრა, როგორი შეიძლება იყოს ბრძოლა დონბასისთვის. გაიდაი დარწმუნებულია, რომ შეტევა იქნება უახლოეს მომავალში, რადგან ხდება რუსული ძალებისა და დიდი რაოდენობით ტექნიკის დაგროვება.
„ვფიქრობ, რომ იქნება ასეთი: დაახლოებით დილის 3-4 საათზე დაიწყება მასიური დაბომბვა, ჩაერთვება მძიმე და მსხვილკალიბრიანი ნაღმტყორცნები, არტილერია, ავიაცია, მრავალჯერადი სარაკეტო სისტემა, გრადი, „ტოჩკა-უ“… რაც აქვთ, ყველაფერს გამოიყენებენ. ეს გაგრძელდება რამდენიმე საათის განმავლობაში ზუსტად დონეცკისა და ლუგანსკის ოლქების ტერიტორიაზე, შემდეგ კი შეტევაზე გადავლენ დიდი რაოდენობით ტანკებით, ქვეითებით“, – ასე აღწერა გაიდაიმ სავარაუდო სცენარი.
გაიდაი, ასევე, მიიჩნევს, რომ რუსი დამპყრობლები ვერ შეძლებენ შეტევას ჩრდილოეთიდან, სამხრეთიდან და აღმოსავლეთიდან ერთდროულად. რუსეთის ფედერაციასთან მოლაპარაკების პროცესი კი დამოკიდებული იქნება იმაზე, თუ როგორ წარიმართება ბრძოლა დონბასისთვის.
კომენტარები