სამწუხაროდ, იძულებული ვარ მოვუწოდო ღრმად პატივცემულ მეუფეს ან დაამტკიცოს მის მიერ წამოყენებული ბრალდება უახლოეს პერიოდში გამართულ კრებაზე, ან ისევე საჯაროდ ითხოვოს შენდობა, როგორ საჯაროდაც დამდო ბრალი. – ამის შესახებ მარნეულისა და ჰუჯაბის ეპისკოპოსი გიორგი ჯამდელიანი სხალთელი ეპისკოპოსის, მეუფე სპირიდონის მისამართით სოცილაურ ქსელში წერს.
პასუხი ღრმად პატივცემულ სხალთელ მთავარეპისკოპოსს :
“მივიდნენ წმინდა მამა აგათონთან და უთხრეს :– შენზე გავიგეთ,რომ მეძავი და ამაყი კაცი ხარ,ასევე ცილისმწამებელი და უსაქმური მოლაპარაკე.
– დიახ,მართალია. – უპასუხა მან.
ასევე ჰკითხეს :
– შენ ხარ აგათონი,ერეტიკოსი?!
– არა,მე ერეტიკოსი არ ვარ! – უპასუხა მან.
– გვითხარი,რატომ დასთანხმდი ყველაფერს რაც გითხრეს,მაგრამ ბოლო სიტყვას ვერ გაუძელი?!
მან უპასუხა :
– პირველ მანკიერებებს ჩემს თავში ვაღიარებ,რადგან ეს აღსარება კარგია ჩემი სულისთვის; ხოლო საკუთარი თავის ერეტიკოსად,მწვალებლად აღიარება ნიშნავს ღვთისაგან განკვეთას და მე არ მინდა ჩემი ღმერთისგან განკვეთა.”
ეს პატერიკი გვასწავლის რისი მოთმენა შეიძლება და რისი არა.
მინდა გამოვეხმაურო მის მაღალყოვლადუსამღვდელოესი,სხალთელი მთავარეპისკოპოსის,მეუფე სპირიდონის მიერ შვიდ აპრილს ქადაგებაში წარმოთქმულ ცილისმწამებლურ ბრალდებას,სადაც იგი ამბობს ,რომ ჩემი პირადი აზრი, გამოთქმული უკრაინის ეკლესიის ავტოკეფალიასთან დაკავშირებით არის მწვალებლობა და მკრეხელობა.
სრული პასუხისმგებლობით, კიდევ ერთხელ ვაცხადებ, რომ ჩემს მიერ გამოთქმული აზრი არათუ მწვალებლობაა, არამედ არის მართლმადიდებლური სწავლებისა და წმიდა მამათა მიერ დადგენილი საზღვრების დაცვა.
სამწუხაროდ, იძულებული ვარ მოვუწოდო ღრმად პატივცემულ მეუფეს ან დაამტკიცოს მის მიერ წამოყენებული ბრალდება უახლოეს პერიოდში გამართულ კრებაზე, ან ისევე საჯაროდ ითხოვოს შენდობა,როგორ საჯაროდაც დამდო ბრალი.
პატივისცემით,მარნეულისა და ჰუჯაბის
ეპისკოპოსი გიორგი.
08.04.2022.
კომენტარები