რუსეთ-უკრაინის ომის დაწყების შემდგომ,პოლონეთში წასულ ქართველებს სამუშაოს მოძებნა სულ უფრო მეტად უჭირთ. ვინც მუშაობდა, ისინი უკვე გაათავისუფლეს. მიზეზი პოლონეთში უკრაინის მოქალაქეების ძალიან დიდი ნაკადია.
პოლონეთის მთავრობა ქართველების დასაქმებაზე ოფიციალურად შეზღუდვებს არ აწესებს, თუმცა გავლენიანი ორგანიზაცები ჩვენი ქვეყნის მოქალაქეებს ურჩევენ, რომ არ გახდნენ ბუნდოვანი დაპირებების მსხვერპლი. ვიდრე წინასწარ არ მოძებნიან სამსახურს, პოლონეთში არ ჩავიდნენ.
რა ხდება პოლონეთის სამუშაო ბაზარზე და რატომ გახშირდა ხალხის მასობრივად გათავისუფლების ფაქტები – „პირველებმა“ ეს კითხვა ევროპის დასაქმებულთა ინსტიტუტთან დასვა.
პოლონეთში მომუშავე ორგანიზაციის, ,,ევროპის დასაქმებულთა მობილობის ინსტიტუტის” ვიცე-პრეზიდენტი, მარეკ ბენიო, პირდაპირ ამბობს, რომ ახლა უკრაინელი დევნილების საკითხია პირველხარისხოვანი, რაც იმას ნიშნავს, რომ მათ ნებისმიერ სამსახურში დასაქმება ყველაზე მარტივად შეუძლიათ.
12 მარტიდან ამოქმედდა საგანგებო დადგენილება, რომელიც ექსკლუზიურად უკრაინის მოქალაქეებისთვის კიდევ უფრო მეტად ღიას ხდის პოლონეთის სამუშაო ბაზარს. მაგრამ ეს იმას არ ნიშნავს, რომ დასაქმების ბაზარი სრულად არის ჩაკეტილი სხვებისთვის. თუმცა პოლონელი დამსაქმებლები არჩევანს რა თქმა უნდა აკეთებენ ომიდან გამოქცეულ ხალხზე, ქალებზე განსაკუთრებით და ეს არ შეიძლება დისკრიმინაციულ მიდგომად აღვიქვათ.- აცხადებს ბენიო.
ოფიციალური მონაცემებით, 3 მილიონამდე უკრიანელი პოლონეთში უკვე შევიდა. სამუშაო ბაზარზე კრიზისიც სწორედ უკრიანაში რუსეთის შეჭრის შემდეგ დაიწყო.
კომენტარები