პოლონეთის პრეზიდენტმა CNN-თან ინტერვიუში ანჯეი დუდამ ეჭვქვეშ დააყენა რუსეთთან დიპლომატიური ძალისხმევის სარგებლიანობა კონფლიქტის ამ ეტაპზე. მან თქვა, რომ არ არის გაკვირვებული პოლონეთის პრემიერ-მინისტრის მატეუშ მორავეცკიმ კრიტიკით საფრანგეთის პრეზიდენტის ემანუელ მაკრონის მიმართ, როდესაც მორავეცკიმ თქვა: „მოლაპარაკებებს აპირებდით ჰიტლერთან?“.
„რუსეთთან დიალოგს აზრი არ აქვს. ჩვენ ძალიან მკაცრი პირობები უნდა წავუყენოთ ვლადიმირ პუტინს. ჩვენ უნდა ვთქვათ: „სანამ ამ პირობებს არ დააკმაყოფილებთ, ჩვენ არაფერი გვაქვს სალაპარაკო“. ჩვენ ვაპირებთ მტკიცე მხარდაჭერას უკრაინის მიმართ, ვაპირებთ, გავაძლიეროთ სანქციები პუტინის რეჟიმის მიმართ. თუ აწარმოებ დიალოგს, რომელშიც ვერაფერს მიაღწევს, ეს მხოლოდ რუსეთის მხრიდან დროის მოგების თამაშია“, – აღნიშნა პოლონეთის პრეზიდენტმა.
დუდამ მოითხოვა დამატებითი სანქციები რუსეთის ფედერაციისა და მისი ენერგეტიკის მიმართ. მისი თქმით, პოლონეთი თავდაპირველად რუსეთსა და გერმანიას შორის გაზსადენების შექმნის წინააღმდეგი იყო.
როგორც პოლონეთის პრეზიდენტმა განაცხადა, ეს იყო „პოლიტიკური პროექტები“, რომლებიც შექმნილია პოლონეთის, უკრაინის და ბალტიისპირეთის ქვეყნების გვერდის ავლით. დუდამ მოითხოვა ახალი Nord Stream 2 გაზსადენის დემონტაჟი.
„რუსეთი აშანტაჟებს არა მხოლოდ გერმანიას, არამედ რუსეთი აშანტაჟებს პრაქტიკულად მთელ ევროპას“, – ხაზგასმით აღნიშნა ანჯეი დუდამ.
კომენტარები