საქართველოში აშშ-ს ელჩი, კელი დეგნანი ამბობს, რომ უკრაინის განცხადება კონტრაბანდასთან დაკავშირებით “სერიოზული განცხადებებია” და საკითხის გადასაწყვეტად სამთავრობო არხები უნდა იყოს გამოყენებული. მისივე სიტყვებით, ომის შეჩერევა რუსეთის პრეზიდენტს, ვლადიმირ პუტინს შეუძლია – მასზე ზეწოლისთვის კი სანქციები არსებობს, რომელსაც ყველა უნდა დაემორჩილოს. დეგნანის კომენტარს საზოგადოებრივი მაუწყებელი ავრცელებს.
“ეს არის სეროზული განცხადებები, ბრალდებები. ამ საკითხს, რა თქმა უნდა, სჭირდება გარკვევა და ეს უნდა მოხდეს სამთავრობო არხების მეშვეობით საქართველოსა და უკრაინის მთავრობებს შორის. საქართველოს მთავრობამ განაცხადა, რომ იგი არ მისცემს ამის საშუალებას, რომ მოხდეს რამე ამგვარი დარღვევა. ხშირად მესმის ხოლმე, რომ ამბობენ – არავის შეუძლია ამ სასტიკი ომის შეჩერება. რა თქმა უნდა, შესაძლებელია, პუტინს შეუძლია, რადგან მან დაიწყო ეს ომი. სანქციები არსებობს, რათა მოხდეს მასზე ზეწოლა და ეს უნდა თანმიმდევრული, ერთიანი, მას უნდა ემორჩილებოდეს ყველა, რათა ეს ზეწოლა განხორციელდეს. ჩვენ ამას, რა თქმა უნდა, ძალიან დიდი ყურადღებით დავაკვირდებით”. – ამბობს დეგნანი.
“ეს ნამდვილად ძალიან სერიოზული საკითხებია, რომლებიც არ უნდა გადაწყდეს მედიის წინაშე. ამისათვის აუცილებელია, მოხდეს მნიშვნელოვანი სამთავრობო არხების გამოყენება, რაც არსებობს. ასეთი ურთიერთდაპირისპირებით სარგებელს იღებს მხოლოდ რუსეთი. მტკიცედ მოვუწოდებ, ეს საკითხი გადატანილ იყოს შესაბამის არხებზე, სადაც შესაბამისად იქნება გამოძიებული და გადაწყვეტილი”. – ამბობს ის.
კომენტარები