ბავშვს, რომელსაც რამდენიმე დღის წინ, თბილისში ტროტუარზე მდგარს მანქანა დაეჯახა ფეხის ამპუტაცია დასჭირდა. იგი ამ დრომდე რეანიმაციულ განყოფილებაშია და მედიკოსების განცხადებით, მისი მდგომარეობა სტაბილურად მძიმე რჩება. პატარა დათის ახლა ჩვენი დახმარება სჭირდება.
„მეგობრებო, 31 მარტს, 8 წლის დათი დილით შარტავას ქუჩაზე სკოლაში წასასვლელად ტრანსპორტს ელოდებოდა, როცა სწრაფად მიმავალმა მანქანის მძღოლმა საჭე ვერ დაიმორჩილა და ტროტუარზე მდგომ ბავშვს დაეჯახა.
დათი იბრძვის სიცოცხლისთვის.
წინ მკურნალობის გრძელი გზა აქვს გასავლელი.
ამ დროისთვის იაშვილის კლინიკაში მას 5 ურთულესი ოპერაცია ჩაუტარდა, მათ შორის ფეხის ამპუტაცია.
მისი სრული რეაბილიტაციისთვის იგეგმება ისრაელის კლინიკაში დაუყოვნებლივ გადაყვანა, ამასთან წინ კიდევ ბევრი ბრძოლაა გასავლელი, რაც დიდ თანხებთანაა დაკავშირებული.
ჩვენი დიდი სურვილია ჩვენი წვლილი შევიტანოთ დათის რეაბილიტაციასა და სრულ გამოჯანმრთელებაში.“ – განცხადება სოციალურ ქსელში ვრცელდება.
თითოეული ლარი მნიშვნელოვანია!
გავერთიანდეთ დათისთვის!
მიმღები: ქრისტინე მამუკაშვილი, დედა
TBC: #GE05TB7962745064300024
BOG: #GE90BG0000000101545483
#დათისთვის
ავტოსაგზაო შემთხვევა თბილისში, შარტავას ქუჩაზე 31 მარტს მოხდა.
შსს-მ მომხდარზე გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. მძღოლი დაკავებულია, იგი ბრალს აღიარებს.
კომენტარები