პუტინმა ომის დანაშაულები ჩაიდინა. ადამიანები შეაბეს და დახვრიტეს, გააუპატიურეს და დაწვეს. ამისთვის პუტინი და მისი არმია რაც შეიძლება მალე უნდა დაისაჯოს“, – დაწერა ტვიტერზე ჰოლანდიელმა დეპუტატმა იან პატერნოტმა.
დეპუტატმა ფატი პირიმ აღნიშნა, რომ ბუჩაში განვითარებულმა მოვლენებმა დაადასტურა ბაიდენის სიტყვები, როდესაც მან პუტინს „ჯალათი“ უწოდა.
„საშინელი, საშინელი სურათები ბუჩადან. ქუჩები სავსეა მშვიდობიანი მოქალაქეების ცხედრებით. ბაიდენმა პუტინს „ომის დამნაშავე“ და „ჯალათი“ უწოდა. ის არის ზუსტად „ჯალათი“, – წერს ფატი პირი.
თავის მხრივ, ლეიბორისტული პარტიის საპარლამენტო ფრაქციის ხელმძღვანელმა ლილიან პლუმენმა ხაზგასმით აღნიშნა, რომ ბუჩაში მომხდარი სისასტიკე დაუსჯელი არ შეიძლება დარჩეს.
„პუტინი ომის დამნაშავეა. მშვიდობიანი მოქალაქეები ხელებშებმული დახვრიტეს. ქალებს შვილების თვალწინ აუპატიურებენ. გოგონები ოჯახების თვალწინ გააუპატიურეს. პუტინის არმიის სისასტიკე დაუსჯელი არ შეიძლება დარჩეს“, – დაწერა მან ტვიტერზე.
კომენტარები