გარემოს ეროვნული სააგენტოს ცნობით, საერთაშორისო მნიშვნელობის მცხეთა-სტეფანწმინდა-ლარსის საავტომობილო გზის სტეფანწმინდა-ლარსის მონაკვეთზე, თოვლის ინტენსიური დნობისა და ღვარცოფული პროცესების გააქტიურების გამო, ზვავსაშიშროების საფრთხის დონე საშუალოა, რის გამოც აღნიშნულ მონაკვეთზე აკრძალულია ყველა სახის ავტოტრანსპორტის მოძრაობა. ინფორმაციას საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ავრცელებს.
„აქვე შეგახსენებთ, რომ გარემოს ეროვნული სააგენტოს ცნობით, ამავე საავტომობილო გზის გუდაური-კობის მონაკვეთზე ზვავსაშიშროების საფრთხის საშუალო დონის არსებობის გამო, დღეს, 13:00 საათიდან აიკრძალა ყველა სახის ავტოტრანსპორტის გადაადგილება. დაწესებული რეჟიმი გუდაური-კობის მონაკვეთზე 19:00 საათიდან მოიხსნება.
საავტომობილო გზების დეპარტამენტი მოუწოდებს მოსახლეობას, იმოძრაონ გამართული ავტოტრანსპორტით და დაემორჩილონ საავტომობილო გზებზე დაწესებულ რეჟიმებს“, – აღნიშნულია დეპარტამენტის მიერ გავრცელებულ განცხადებაში.
კომენტარები