უკრაინაში გმირულად დაღუპული ქართველი ჯარისკაცი, დავით გობეჯიშვილი ტყიბულში, საგვარეულო სასაფლაოზე სამხედრო პატივით დაკრძალეს.
ტყიბულის ცენტრში, წმინდა გიორგის სახელობის ეკლესიაში რუსეთის აგრესიის მორიგი მსხვერპლის, 47 წლის დავით გობეჯიშვილის სამოქალაქო პანაშვიდზე დილიდან სამოქალაქო აქტივისტები, რიგითი მოქალაქეები და ოპოზიციონერი პოლიტიკოსები იყვნენ მისული. მათ გარდაცვლილ გმირს პატივი მიაგეს და ოჯახს სამძიმარი გამოუცხადეს.
ადგილზე ხელისუფლების წარმომადგენლები არ გამოჩენილან.
შეგახსენებთ, აფხაზეთიდან დევნილი მეომარი უკრაინის ქალაქ ირპენში 26 მარტს, მასობრივი დაბომბვის დროს დაიღუპა. ის მეოთხე ჯარისკაცია, რომელიც უკრაინაში რუსულ სამხედრო აგრესიას შეეწირა. მანამდე ირპენთან დაიღუპნენ დავით რატიანი და გია ბერიაშვილი. მარიუპოლში მოკლეს ბახვა ჩიქობავა, რომლის გადმოსვენებაც ჯერ ისევ ვერ ხერხდება.
კომენტარები