“ოცნების სექტანტებს და დაქირავებულ, გაყიდულ სააგენტოებს მოგმართავთ, “ტეხავს” რეალობის არდანახვა და ყველაფრის „გაპრავება“. მეტიც, დანაშაულის თანამონაწილე ხდებით,” – ამის შესახებ სოციალურ ქსელში წერს ჯანდაცვის ექსპერტი გიორგი ფხაკაძე.
გიორგი ფაკაძე ქვეყანაში “ფაიზერის” ვაქცინის არარსებობას ეხმიანება და აცხადებს, რომ ეს არის ანტისახელმწიფოებრივი ქმედება.
“დღეს საქართველოში კოვიდ ვაქცინაცია გაჩერდა (გააჩერეს).
ეს არის კატასტროფა! ეს არის ანტისახელმწიფოებრივი ქმედება! ეს არის იგივე, რომ ქვეყანა მტერს ერთი გასროლის გარეშე ჩააბარო! ეს არის არაპროფესიონალი, არაკომპეტენტური, კორუმპირებული „ბნელეთის“ მმართველობა!
ფაიზერი და მოდერნა -ეს ორი ვაქცინა არის დღეს ყველაზე ეფექტური, უსაფრთხო და სრულად დამტკიცებული (არაექსპერიმენტული) ვაქცინები მსოფლიოში.
ჩინური ვაქცინები იყო, არის და იქნება ნაგავი ამის არაერთი ათეული მეცნიერული სტატია არსებობს უკვე და მე ხშირად ვაქვეყნებ ჩემს გვერდზე.
თავის გამართლება აქ აღარ გიშველით, ძველო და ახალო “მუშკეტერებო”. ფაქტი სახეზეა, თქვენ ხართ ქვეყნის მტრისთვის ჩამბარებლები. დიახ, ქვეყანა კორონა ვირუსს უბრძოლველად ჩააბარეთ და იმ თქვენი მოჩვენებითი “ბრძოლის” უკვე აღარავის სჯერა. საქართველო დღეს ორი გამოწვევის წინაშე დგას: რუსეთი და კოვიდი. კოვიდს უკვე მიართვით ქვეყანა და რუსეთს როდის მიართმევთ?!
P.S.ოცნების სექტანტებს და დაქირავებულ/გაყიდულ სააგენტოებს მოგმართავთ, ტეხავს რეალობის არდანახვა და ყველაფრის „გაპრავება“. მეტიც, დანაშაულის თანამონაწილე ხდებით.
ცნობისათვის, მოქალაქეებს ვაქცინაციის რეგისტრაციის ვებგვერდ Booking.moh.gov.ge-ზე “ფაიზერის” ვაქცინის არჩევის შესაძლებლობა არ აქვთ.
ამ დროისთვის საიტზე მხოლოდ „სინოფარმის“ და „სინოვაკის“ ვაქცინაა ხელმისაწვდომი. აღნიშნულის მიზეზია ის რომ „ფაიზერის“ ვაქცინის გარკვეულ რაოდენობას ვადა გაუვიდა. ამ დროისთვის უცნობია, კონკრეტულად რამდენი დოზა დარჩა გამოუყენებელი.
კომენტარები