რუსი გენერალ-მაიორი ევგენი ბობკინი ვაშინგტონის თავდაცვის ატაშეს ასოციაციიდან (DAA) გარიცხეს. ინფორმაციას CNN-ის წყაროზე დაყრდნობით ავრცელებს.
როგორც ირკვევა, ბობკინი უკრაინის საელჩოს სამხედრო ატაშეს მოთხოვნის შემდეგ გააძევეს.
ბობკინმა CNN-ის მიერ მოპოვებულ წერილში დაწერა, რომ მისი უკრაინელი კოლეგის ძალისხმევა „გაჟღენთილია რუსეთის მიმართ სიძულვილით“. ბობკინმა თქვა, რომ ”ყველა, ვინც ხმას მისცემენ რუსეთის წინააღმდეგ, ხმას მისცემენ ნაცისტურ რეჟიმს და ქვეყანას, რომელიც მოითმენს ნაციზმის აღორძინებას და მისი ხალხის გენოციდს”.
ამით მან ფაქტობრივად გაიმეორა რუსეთის პრეზიდენტის ვლადიმერ პუტინის განცხადება უკრაინის ”დენაციფიკაციის” შესახებ.
60-მდე ქვეყანამ ხმა მისცა ბობკინის გაძევებას. ბობკინის როლი არის სამხედრო დიპლომატია, შუამავლის როლი პენტაგონსა და ვაშინგტონის სხვა სამხედრო, დიპლომატიურ და პოლიტიკურ მოღვაწეებს შორის. ეს არ იმოქმედებს ბობკინის ოფიციალურ ყოფნაზე ვაშინგტონში, მაგრამ რუსეთის იზოლაციისა და დასჯის კიდევ ერთი მაგალითია, იტყობინება CNN.
კომენტარები