უნგრეთის საგარეო საქმეთა მინისტრმა, პეტერ სიჯარტომ უკრაინა საპარლამენტო არჩევნებზე გავლენის მოხდენის მცდელობაში დაადანაშაულა. მისი განცხადებით დმიტრო კულებამ დაურეკა უკრაინის ელჩს და ურჩია „არჩევნების შედეგებზე მოეხდინა ზემოქმედება“
დმიტრო კულებამ ბრალდებებს უპასუხა და სიჯარტოს უსაყვედურა, რომ ის რუსეთის ბრძანებას უფრო აფასებს, ვიდრე ქვეყნებს შორის ურთიერთობას.
უნგრეთის საგარეო საქმეთა მინისტრმა დეტალები არ დააკონკრეტა და არც განმარტა, საიდან მიიღო სატელეფონო საუბრის შინაარსის მონაცემები.
როგორი რეაქცია ჰქონდა კულებას?
„უკრაინის მიმართ უნგრეთის ქცევისგან განსხვავებით, ჩვენ არასდროს ჩავერევით უნგრეთის საშინაო საქმეებში, განსაკუთრებით, არჩევნების წინა დღეს. სირცხვილია იმის დანახვა, თუ როგორ არის მინისტრი სიჯარტო მზად, მოკლევადიანი წინასაარჩევნო მოგების გამო გამოიგონოს სისულელეები და გაანადგუროს ჩვენი ურთიერთობა, რომელსაც ამდენი ხნის განმავლობაში ვაშენებდით“, – განაცხადა დმიტრო კულებამ.
უკრაინის საგარეო საქმეთა მინისტრმა ასევე აღნიშნა, რომ სიჯარტოსთვის, ალბათ, უფრო ღირებულია ლავროვის ბრძანება, ვიდრე უკრაინასთან ურთიერთობა.
კომენტარები