“ქმარი მომიკლეს, იქვე დააგდეს, 4 წლის ბავშვიც იქ იყო, მთვრალმა რუსმა ჯარისკაცებმა გამაუპატიურეს” – უკრაინელი ქალი იმ ჯოჯოხეთს იხსენებს, რაც გამოიარა.
ქალის თქმით, დამპყრობლები ძალიან ნასვამები იყვნენ, ფეხზე ძლივს იდგნენ. ამის შესახებ UNIAN წერს.
33 წლის უკრაინელი ქალი ნატალია ამბობს, რომ მას რამდენიმე საათის განმავლობაში მთვრალი რუსი დამპყრობლები აუპატიურებდნენ.
გარდა ამისა, მის ქმარს ესროლეს კიევის რეგიონში, საკუთარი სახლის ეზოში. ამის შესახებ The Times წერს.
ქალი იხსენებს, რომ დამპყრობლებმა მისი მანქანა გააფუჭეს, რომ არ გაქცეულიყო. შემდეგ კი მის ქმარს ღამით ესროლეს, მისი ცხედარი კი ჭიშკართან დატოვეს.
მთელი ამ ხნის განმავლობაში ნატალიას 4 წლის შვილიც სახლში იყო, იმალებოდა. ორმა ოკუპანტმა აიძულა ქალი გაეშიშვლებულიყო და რიგრიგობით აუპატიურებდნენ, თან იარაღი ჰქონდათ მიდებული. მისი თქმით, ისინი ძალიან ნასვამები იყვნენ. როდესაც ოკუპანტებს ჩაეძინათ, მსხვერპლი შვილთან ერთად გაიქცა, ახლა ისინი ნათესავებთან არიან ტერნოპოლში.
ნატალიას ჯერ კიდევ არ უთქვამს 4 წლის შვილისთვის მამის გარდაცვალების შესახებ, რომელიც ვერ დაკრძალა, რადგან სოფელი ოკუპირებულია. ქალი აღიარებს, რომ ამ ყველაფერთან ერთად როგორ უნდა გააგრძელოს ცხოვრება, არ იცის.
მანამდე გენერალურმა პროკურორმა ირინა ვენედიქტოვამ განაცხადა კიევის რეგიონში ქალის გაუპატიურების შესახებ რუსი ოკუპანტის მიერ. ის ძებნილთა სიაშია და სასამართლოში მისი დაკავების თაობაზე შუამდგომლობაა შეტანილი. ინფორმაცია ამ კრიმინალის შესახებ სოციალურ ქსელში გაჩნდა. ასევე გავრცელდა რუსი მეთაურის მიხეილ რომანოვისა და მისი ოჯახის ფოტო. სწორედ მან გააუპატიურა ნატალია. ცნობილია, რომ ის უკვე ლიკვიდირებულია უკრაინის შეიარაღებული ძალების მიერ.
კომენტარები