უკრაინის გენერალური პროკურატურის ინფორმაციით, რუსეთის აგრესიას უკრაინაში 24 თებერვლიდან დღემდე 145 ბავშვი ემსხვერპლა.
როგორც უკრაინული მხარე აცხადებს, ინფორმაცია არ არის ბოლომდე დაზუსტებული, რადგან უკრაინის ოკუპირებული ტერიტორიებში და საბრძოლო ზონებში ინფორმაციის დაზუსტება ვერ ხერხდება.
ამასთან, როგორც გენპროკურატურაში აცხადებენ, ომის შედეგად უკრაინაში 222 ბავშვი დაიჭრა.
„ყველაზე მეტად დაზარალდნენ კიევში, ხარკოვში, დონეცკში, ჩერნიგოვში, ხერსონში, ჟიტომირსა და კიდევ სხვა ქალაქებში. დაბომბვამ დააზიანა 790 სასწავლო დაწესებულება, აქედან 75 მთლიანად განადგურდა“, – აცხადებენ უკრაინის გენერალურ პროკურატურაში.
კომენტარები