ძლიერმა ქარმა პრობლემები შექმნა კახეთში – ქალაქ გურჯაანში სანაპიროს ქუჩაზე მრავალწლიანი ნაძვის ხე მოგლიჯა და 2 ავტომანქანას დაეცა. შემთხვევის შედეგად არავინ დაშავებულა. ადგილზე მობილიზებული იყო სასწრაფო და სამაშველო სამსახურის ბრიგადები, პოლიცია და გურჯაანის მუნიციპალიტეტის შესაბამისი სამსახურები.
მრავალწლიანი ხეები მოგლეჯილია თელავის მუნიციპალიტეტშიც. შესაბამისი სამსახურები შემთხვევის ადგილზე უკვე მუშაობენ. დაზიანებულია ელექტროგადამცემი ხაზები, რის გამოც ასობით აბონენტს ელექტროენერგია არ მიეწოდება.
კომენტარები