მსოფლიოში მიმდინარე პოლიტიკურ მოვლენებსა და ამ მოვლენების ფონზე საქართველოში გაძლიერებულ შიდა დაპირისპირებას ეხმიანება სოციალურ ქსელში ანალიტიკოსი არჩილ გამზარდია. გამზარდია ამბობს, რომ არსებულ ვითარებაში, როცა ევროპის ქვეყნები უსაფრთხოების დონეს ზრდიან, ქვეყანაში დაპირისპირების მსგავსი მასშტაბი უადგილოა.
„უკრაინაში ომია. სომხეთ-აზერბაიჯანს შორის კვლავ საომარი მოქმედებებია. პოლონეთი თავდაცვას აძლიერებს. ბალტიისპირეთის ქვეყნები უსაფრთხოების დონეს ზრდიან.
რა ხდება საქართველოში?
ქოცი ნაცს დასდევს, ნაცი – ქოცს.
ქოცი ნაცს ეძახის რუსს, ნაცი – ქოცს.
ქოცი ნაცის განადგურებას ცდილობს, ნაცი – ქოცის.
ქოცი ნაცს ეძახის მოღალატეს, ნაცი – ქოცს.
ყოველთვის “აღმაფრთოვანებდა” ჩვენი განუზომელი გამორჩეულობა. დრო და სივრცე ჩვენზე ვერ ზემოქმედებს. საოცრებები ვართ,“- წერს არჩილ გამზარდია.
შეგახსენებთ, უკრაინაში მიმდინარე მოვლენების ფონზე, დაპირისპირება საქართველოს შიდა პოლიტიკურ სპექტრში კიდევ უფრო გაიზარდა. ოპოზიცია ხელისუფლებას უკრაინის მიმართ არასაკმარისი მხარდაჭერის გამოხატვაში ადანაშაულებს, ხოლო მმართველ პარტიაში მიიჩნევენ, რომ ოპოზიციის მიერ გაკეთებული განცხადებები სახელმწიფოს ინტერესებს აზიანებს.
კომენტარები