რა სჭირდება პუტინს 9 მაისის აღლუმისთვის? – ვახო სანაია

ჟურნალისტი, ვახო სანაია:

“პუტინს 9 მაისის აღლუმისთვის სჭირდება რაღაც, რასაც გამარჯვებად გაყიდის. სრულიად ნათელია, რომ დასახული მიზანი მიუღწეველი რჩება – უკრაინა ვერ დაიპყრო და გამოჩნდა რუსეთის ,,ძლევამოსილი” არმიის კატასტროფული მდგომარეობა.

უკრაინასთან 2014 წლის ომის შედეგად პუტინმა ყირიმი მიიერთა. ახლა, როგორც ჩანს, ლუგანსკისა და დონეცკის ანექსიას აპირებს და იტყვის, რომ რუსეთი კიდევ ერთხელ გააფართოვა.

დონეცკის ოლქში შედის ქალაქი მარიუპოლი, რომელიც 2014 წელს უკრაინული წინააღმდეგობის სიმბოლო გახდა. მარიუპოლი ყველანაირად უმნიშვნელოვანესი ადგილია აზოვის ზღვაში – პოლიტიკურადაც, სამხედრო თვალსაზრისითაც, ეკონომიკურადაც, სიმბოლურადაც. თან დონეცკის ოლქში შედის, რომლის რუსეთის შემადგებლობაში შეყვანა, ჩემი აზრით, იქნება პუტინის შემდეგი ნაბიჯი – 9 მაისისთვის.

ვფიქრობ, რუსი ხალხისთვის მისაყიდი სხვა არაფერი აქვს პუტინს ამ ეტაპზე. აჰა, ახალი ყირიმი თქვენ – მხოლოდ ამის თქმას თუ შეძლებს. ოღონდ არ დაგვავიწყდეს, რომ უკრაინელები ბოლომდე იბრძვიან თითო მტკაველისთვის და ბევრჯერ ჩაშალეს პუტინის ჩანაფიქრი.

რუსეთი უნდა გადაჰყვეს ამ ომს.”