“სრულიად უპასუხისმგებლო და მავნებლური განცხადება უკრაინის უშიშროებისა და თავდაცვის მდივნისგან, როგორც ჩანს, დანილოვის CV-დან, უკრაინასაც ამ ეტაპზე, იქაური კახა ლომაია ჰყოლია უშიშროების საბჭოს თავკაცად,” – ასე ეხმაურება ექსპერტი გია აბაშიძე უკრაინის ეროვნული უშიშროებისა და თავდაცვის საბჭოს მდივნის ალექსეი დანილოვის განცხადებას, რომ თუ დნესტრისპირეთი და საქართველო დაკავებული იქნებიან თავიანთი ტერიტორიების დაბრუნებით, ეს უკრაინას აუცილებლად დაეხმარება.
მისი თქმით, რუსეთთან უაზრო ომის გაჩაღება უკრაინის მეგობარი ქვეყნების მიერ, თავად უკრაინისთვისაც წაგებიანი იქნება.
„სრულიად უპასუხისმგებლო და მავნებლური განცხადება უკრაინის უშიშროებისა და თავდაცვის მდივნისგან. მონსტრ რუსეთთან უაზრო ომის გაჩაღება უკრაინის მეგობარი ქვეყნების მიერ, თავად უკრაინისთვისაც იქნება ძალიან წაგებიანი. ეს კარგად უნდა ესმოდეს ასეთი მნიშვნელოვანი სტრუქტურის ხელმძღვანელს. თუმცა, როგორც ჩანს, დანილოვის CV-დან, უკრაინასაც ამ ეტაპზე, იქაური კახა ლომაია ჰყოლია უშიშროების საბჭოს თავკაცად“, – წერს გია აბაშიძე.
ცნობისათვის, უკრაინის ეროვნული უშიშროებისა და თავდაცვის საბჭოს მდივანმა ალექსეი დანილოვმა განაცხადა, რომ თუ დნესტრისპირეთი და საქართველო, თავიანთი ტერიტორიების დაბრუნებით დაკავდებიან, ეს აუცილებლად დაეხმარება უკრაინას, რადგან რუსებს ექნებათ რაიმე გასაკეთებელი გარდა უკრაინის განადგურებისა და ბავშვებისა მკვლელობისა.
კომენტარები