გერმანიის ფედერალურმა შტატებმა ქვემო საქსონიამ და ბავარიამ გამოაცხადეს სამართლებრივი სანქციები საზოგადოებრივ ადგილებში Z ნიშნის გამოყენებისთვის. ამის შესახებ, როგორც DW იუწყება.
„ვინც, Z ნიშანს გამოიყენებს, საჯაროდ გამოხატავს თავის მოწონებას რუსეთის პრეზიდენტის პუტინის აგრესიული ომის მიმართ უკრაინის წინააღმდეგ, შესაბამისად, უნდა ელოდეს სისხლისსამართლებრივ დევნას ქვემო საქსონიაში“, – განაცხადა 25 მარტს, ქვემო ასაქსონის შინაგან საქმეთა მინისტრმა, ბორის პისტორიუსმა.
ამ სიმბოლოს დემონსტრირება ქვემო საქსონიის მიტინგებზე შეიძლება ჩაითვალოს საზოგადოებრივი წესრიგის დარღვევად და სისხლისსამართლებრივი დევნა დაიწყოს.
ბავარიის ხელისუფლებასაც მსგავს პოზიცია აქვს. იუსტიციის სახელმწიფო მინისტრის გეორგ აიზენრაიხის განცხადებით, მიუღებელია ისეთი დანაშაულის ჩადენა, რომელიც არღვევს საერთაშორისო სამართალს.
“აზრის თავისუფლება ჩვენი კონსტიტუციის ერთ-ერთი მთავარი უპირატესობაა, გერმანიაში ყველას შეუძლია გამოხატოს თავისი აზრი. თუმცა, აზრის თავისუფლება მთავრდება იქ, სადაც იწყება სისხლის სამართლის დანაშაული”, – თქვა აიზენრაიხმა და ხაზგასმით აღნიშნა, რომ ვინც Z ნიშანს გამოიყენებს, ბავარიის საზოგადოებრივ ადგილებში, უნდა იცოდეს, რომ მისი სამართლებრივი დევნა დაიწყება.
კომენტარები