2008 წლის აგვისტოს ომის საქმეზე მორიგი გამარჯვება სტრასბურგის სასამართლოში – ადამიანის უფლებათა ევროპულმა სასამართლომ რუსეთის კოორდინაციით ცხინვალის რეგიონში მცხოვრები მოსახლეობის მიერ, საქართველოს წინააღმდეგ წარდგენილ 370 ინდივიდუალურ საჩივარზე განჩინება გამოაქვეყნა და საჩივრები დაუშვებლად გამოაცხადა.
“სტრასბურგის სასამართლომ გაიზიარა ქართული მხარის არგუმენტები, რომ ომის დროს, ცხინვალის რეგიონი აქტიურად იბომბებოდა რუსეთის ფედერაციის მხრიდან და საქართველოს შეიარაღებული ძალები არ ახორციელებდა კონტროლს ცხინვალის რეგიონსა და მიმდებარე ტერიტორიაზე. შესაბამისად, შეუძლებელია რაიმე დარღვევა შეერაცხოს საქართველოს.
ევროპულმა სასამართლომ გაიზიარა ასევე ქართული მხარის არგუმენტები, რომ ხსენებული საჩივრები იყო აშკარად დაუსაბუთებელი ვინაიდან, ვერ იქნა წარმოდგენილი მინიმალური სტანდარტის მტკიცებულებები მომჩივანთა პრეტენზიების გასამყარებლად” განაცხადა იუსტიციის მინისტრმა.
იუსტიციის მინისტრის განცხადებით, აღნიშნული გადაწყვეტილების შემდეგ, სტრასბურგის სასამართლოში საქართველოს წინააღმდეგ, მხოლდო 154 საჩივარი განიხილება, რაც საუკეთეოს მაჩვენებელია. ბრეგაძე ძალოვან უწყებებს უხდის მადლობას ამისთვის.
კომენტარები