რატომ ყიდულობს საქართველო დენს რუსეთიდან – “აი ფაქტის” ჟურნალისტური გამოძიებით დგინდება, რომ რეალურად ქვეყანას ამის საჭიროება არ აქვს. რუსეთიდან საქართველო თვეში დაახლოებით ერთი დღის საჭირო დენს ყიდულობს, რისი კომპენსირებაც სხვა წყაროდანაც მარტივად შესაძლებელია.
აღნიშნულის გათვალისწინებით, ჩნდება განცდა, რომ ხელისუფლება დენს რუსეთიდან არა საჭიროების, არამედ რუსეთზე ენერგო-დამოკიდებულების შესაქმენლად ყიდულობს. ეს კი იმ ფონზე, როცა ევროკავშირი ეძებს გზებს, რაც შეიძლება სწრაფად ჩამოშორდეს რუსულ ენერგო-მატარებელს.
კიდევ ერთი ფაქტორი: თუ საქართველოს რუსეთიდან დენის შემოტანას შეწყვეტს, ელექტროენერგიის მიწოდება შეუწყდება აფხაზეთსაც, რომელიც თავის მხრივ მოითხოვს, რომ დენი მას ენგურჰესიდან მიეწოდოს, რაც აფხაზეთს ენერგოდამოუკიდებელს გახდის.
ოპოზიცია ამბობს, რომ ხელისუფლებას ამ დრომდე არაფერი გაუკეთებია, რათა საქართველო ელექტროდამოუკიდებელი გამხდარიყო. “ლელოს” წევრი ანა ნაცვლიშვილი მიიჩნევს, რომ ოკუპანტ ქვეყანაზე დამოკიდებულება მტრისთვის მიცემულ კიდევ ერთ იარაღს ნიშნავს, რათა შენზე ძალადობა განაგრძოს.
ნებისმიერი დამოკიდებულება რუსეთზე უნდა იყოს განხილული პირველ რიგში, ეროვნული უსაფრთხოების ჭრილში. ამიტომ არის, მათ შორის, ჩვენ წლებია ვსაუბრობთ და მოვუწოდებთ ხელისუფლებას, რომ თანდათან გადადგსა და აქამდეც უნდა გადაედგა, ნაბიჯები, რომ დავშორდეთდ ამოკიდებულებას რუსეთზე, მითუმეტეს, როდესაც მთელ რიგ სექტორებში არსებობს რეალური ალტერნატივა და ეს ალტერნატივა მოდის მეგობრული და მშვიდობიანი ქვეყნებისგან. დამოკიდებულება ოკუპანტ სახელმწიფოზე ნიშნავს, რომ შენ მოძალადეს ხელში აძლევ კიდევ ერთ იარაღს, რომ შენზე ძალადობა გააგრძელოს, – ამბობს ანა ნაცვლიშვილი.
კომენტარები