ბიზნეს ლიდერებთან კვარტალურ შეხვედრაზე, აშშ-ის პრეზიდენტმა, ჯო ბაიდენმა განაცხადა, რომ რუსეთი ახლა ემზადება მასშტაბური კიბერშეტევისთვის შეერთებული შტატების წინააღმდეგ. ამასთან, ბაიდენმა დაადასტურა რუსეთის მიერ, ჰიპერსონური რაკეტების გამოყენების ფაქტიც.
“თუ შეამჩნიეთ, რუსეთმა ახლახან გაუშვა ჰიპერსონური რაკეტა, რადგან ეს არის ის ერთადერთი რამ, რისი გაკეთებაც მათ ახლა შეუძლიათ. როგორც ყველამ იცით, ეს არის ეფექტური იარაღი, ისეთივე ქობინით, როგორც ნებისმიერი სხვა გამშვები რაკეტა, სხვა რაკეტებისგან ის იმით განსხვავდება, რომ მისი შეჩერება თითქმის შეუძლებელია. არსებობს მიზეზი, რატომაც იყენებენ ისინი ამას”, – თქვა ბაიდენმა.
მან რუსეთის პრეზიდენ პუტინზეც ისაუბრა და თქვა, რომ:
“პუტინი კედლის უკან იმალება. ის არ ელოდა ჩვენი ერთიანობის მასშტაბსა და სიძლიერეს და რაც უფრო მეტად ცდილობს კედლის მეორე მხარეს დამალვას, მით უფრო მკაცრი ტაქტიკა შეიძლება გამოიყენოს”.პრეზიდენტმა გაიმეორა გაფრთხილება, რომ რუსეთი სავარაუდოდ ჩაატარებს ე.წ. ცრუ დროშის ოპერაციებს, მათ შორის არ გამორიცხა უკრაინაში ქიმიური იარაღის შეტევის შესაძლებლობა. ბაიდენის თქმით, როცა რუსეთი იწყებს საუბარს რომ ნატო, უკრაინა ან აშშ აპირებს რაღაც გააკეთოს, ეს ნიშნავს, რომ იგივეს გასაკეთებლად თვითონ ემზდება და “ეს ხუმრობად არ უნდა მივიღოთ”.
კომენტარები