ისტორიკოსი სვიმონ მასხარაშვილი ნატოს გენერალურ მდივანს, იანს სტოლტენბერგს ღია წერილით მიმართავს და საქართველოს ნატოში სასწრაფოდ მიღებისაკენ მოუწოდებს. ღია წერილში ისტორიკოსი აღნიშნავს, რომ საქართველო ამისათვის ყველა პირობას აკმაყოფილებს.
„ღია წერილი ნატოს და პირადად ბატონ სტოლტენბერგს!
ბევრ ნატოს წევრ სახელმწიფოზე ძლიერი ჯარი გვყავს. ეს დავამტკიცეთ 2008-ში, ერაყსა და ავღანეთში!
ჩვენზე ნაკლებად დემოკრატიული იყო თურქეთი 1952 წელს, როდესაც ნატოში მიიღეთ!
ერთადერთ ხელშემშლელად ჩვენი ტერიტორიების ოკუპირებულობას ასახელებდით და აგერ, ერთი კვირაა საქართველო 100%-ით დეოკუპირებულია, არც ერთი რუსი ჯარისკაცი აღარ დგას არც აფხაზეთში და არც ცხინვალში, რადგან ისინი უკრაინაში არიან გაყვანილნი! ან რუსების შემოტრიალებამდე მიგვიღებთ ნატოში ანდა სრული უფლება გვაქვს ვიფიქროთ, რომ თქვენ ყოფილხართ არაფრის მაქნისი აფერისტი პროვოკატორები!
აჰა, ბურთი და მოედანი, ახლა გამოჩნდება რა ბიჭები ხართ!“ – ნათქვამია სვიმონ მასხარაშვილის ღია წერილში.
შეგახსენებთ, ჩრდილოატლანტიკური ხელშეკრულების ორგანიზაციაში გაწევრიანება, საქართველოს საგარეო და უსაფრთხოების პოლიტიკის ერთ-ერთ მთავარ პრიორიტეტს წარმოადგენს. საქართველო, როგორც ალიანსის ასპირანტი ქვეყანა და მომავალი წევრი, მნიშვნელოვან როლს თამაშობს ევროატლანტიკური უსაფრთხოების განმტკიცების საქმეში.
საქართველოს მიერ IPAP-ით აღებული ვალდებულებების წარმატებით განხორციელების და ინტენსიური დიალოგის ფარგლებში თანამშრომლობის პროცესში მიღწეული პროგრესის საფუძველზე, 2008 წლის 3 აპრილს, ბუქარესტის სამიტზე ალიანსმა მიიღო გადაწყვეტილება (Bucharest Summit Declaration), რომ „საქართველო გახდება ნატო-ს წევრი ქვეყანა“.
კომენტარები