რუსეთის პრემიერ ლიგის რიგით 22-ე ტურში, რომელშიც მოსკოვის ცეესკა საკუთარ კედლებში ყაზანის რუბინს მიიღებს, ყაზანელთა კაპიტნის სამკლაურს ქართველი გარემარბი, ხვიჩა კვარაცხელია მოირგებს.
შესახებ რუბინის ფეისბუქის ოფიციალურ გვერდზე მატჩის დაწყებამდე რამდენიმე საათით ადრე გავრცელდა ინფორმაცია.
აღსანიშნავია, რომ ხვიჩას მთელი თავისი რუსული კარიერის მანძილზე ჯერ არ ჰქონია შესაძლებლობა საკუთარი გუნდისთვის ეკაპიტნა.
ზოგადად, ყაზანელებს გამოკვეთილი კაპიტანი არ ჰყავთ და საკმაოდ ხშირია შემთხვევა, როდესაც ტურიდან ტურამდე სხვადასხვა მოთამაშეები ლიდერობენ გუნდს.
ბევრის აზრით, შესაძლოა, ფაქტი ხვიჩას გუნდიდან ახლო მომავალში გადასვლასაც უკავშირდებოდეს(ფეხბურთში ხშირია შემთხვევა, როდესაც მწვრთნელი მოთამაშეს ბოლო თამაშის წინ ამგვარ შესაძლებლობას აძლევს), თუმცა დაზუსტებით ჯერ არაფრის თქმა შეიძლება, და ხვიჩას შესაძლო ტრანსფერიც უფრო იმედია, ვიდრე რეალობა.
კომენტარები