უკრაინის ხელისუფლების ინფორმაციით, ქალაქ სუმის ბავშვთა სახლიდან უსაფრთხო ადგილას 71 ბავშვის გადაყვანა მოხერხდა. ჩვილები ბოლო რამდენიმე კვირის განმავლობაში ბუნკერში იმყოფებოდნენ. ინფორმაციას „ბიბისი“ ავრცელებს.
რუსეთის ძალები ქალაქ სუმის ჩრდილო-აღმოსავლეთ მისადგომებთან არიან და რამდენიმე კვირაა, ინტენსიურად ბომბავენ ქალაქს.
„ჰუმანიტარული დერეფნით ევაკუაციის პირველი შესაძლებლობისთანავე, ჩვენ გავიყვანეთ ბავშვები საბრძოლო მოქმედებების ზონაში მდებარე სპეციალიზებული ბავშვთა სახლიდან“, – აღნიშნავს სუმის ოლქის გუბერნატორი დმიტრო ჟივიცკი, რომელიც სოციალურ ქსელ „ფეისბუქში“ ევაკუირებული მცირეწლოვნების ფოტოებს აზიარებს.
„ესენი არიან ბავშვები, რომლესაც სხვადასხვა მიზეზით არ ჰყავთ მშობლები და რომელთა უმეტესობა მუდმივ სამედიცინო ზრუნვას საჭიროებს“, – აღნიშნავს ოლქის ხელმძღვანელი.
კომენტარები