“თუ ომი გაგრძელდება, მსოფლიო ფასები საკვებზე წლის განმავლობაში 40-50%-ით გაიზრდება” – როგორია ეკონომიკური მდგომარეობა უკრაინაში
დღეს, 17:46
42
როგორია ომის ფონზე, უკრაინაში ეკონომიკური მდგომარეობა – ამაზე ერთ-ერთ ინტერვიუში, უკრაინის ეროვნული ბანკის მმართველის მოადგილე სერგეი ნიკოლაიჩუკმაისაუბრა და აღნიშნა, რომ ეკონომიკა, დაახლოებით, 50%-ით დაეცა.
“უკრაინული საწარმოების 30%-მა მთლიანად შეწყვიტა საქმიანობა, 45%-მა კი, შეამცირა წარმოება. ანუ ეკონომიკა 50%-ზე ოდნავ ნაკლებითდაეცა.
უკრაინის ეროვნული ბანკის რეზერვები ახლა უფრო მაღალია, ვიდრე ომამდე იყო – ევროკავშირის, საერთაშორისო სავალუტო ფონდისა და მსოფლიო ბანკის ფინანსური დახმარების წყალობით.
თუ ომი გაგრძელდება და უკრაინაში თესვის კამპანია ჩაიშლება, მსოფლიო ფასები მნიშვნელოვან საკვებზე (განსაკუთრებით მარცვლეულზე) წლის განმავლობაში 40-50%-ით გაიზრდება,”- ამბობს უკრაინის ეროვნული ბანკის მმართველის მოადგილე სერგეი ნიკოლაიჩუკი.
კომენტარები