დათა პაპას გარდაცვალებიდან 1 წელი გავიდა. მისმა მეუღლემ დღეს დათა პაპას საფლავზე გასვლა ვერ შეძლო. ვალია ვანიშვილი “ტვ პირველთან” ამბობს, რომ ხელისუფლების წარმომადგენლები მას არ ეხმარებიან. ღარიბაშვილის ხელისუფლებას დათა პაპა არც მისი გარდაცვალების დღეს გახსენებია.
დათა ძალიან კარგი კაცი იყო, მაგნაირი კაცი არც დაიბადება, ბოლო სიტყვა მითხრა, რომ შენც არსად წახვიდეო“, – ამბობს ვალია ვანიშვილი.
დათა ვანიშვილი 2021 წლის 19 მარტს, 88 წლის ასაკში გარდაიცვალა. იგი სოფელ ხურვალეთში, საოკუპაციო ხაზს იქეთ ცხოვრობდა.
2008 წლის ომის და მავთუხლართების მსხვერპლად ქცეულ სიმბოლოს ყველა დათა პაპა სახელით იცნობდა, ის ფაქტობრივად ერთადერთი იყო, ვინც ორად გახლეჩილ ხურვალეთში არა მარტო მედიის წარმომადგენლებს არამედ პრეზიდენტებსა და საერთაშორისო მაღალჩინოსნებს ინტერვიუებს აძლევდა. ოკუპანტებით გარშემორტყმულ ზონაში დათა პაპას კომუნიკაციის ერთადერთი შესაძლებლობა ჰქონდა, მავთულხლართებთან მიდიოდა და ღობესთან მისულ ადამინებს იქიდან ელაპარაკებოდა. ახლა ხურვალეთის ოკუპირებულ ნაწილში დათა ვანიშვილის მოხუცი მეუღლე ვალია ვანიშვილი ცხოვრობს.
კომენტარები