უკრაინის სამხედრო-სამოქალაქო ადმინისტრაციის ხელმძღვანელის მიკოლა ჟირნოვის განცხადებით, კიევში სრულმასშტაბიანი შემოჭრის დაწყებიდან დღემდე 127 დივერსანტი დააკავეს.
ჟირნოვმა, ასევე, აღნიშნა, რომ კიევს აქვს საკმარისი საკვები მოსახლეობისთვის.
„დღეს კიევში არის 33 ბაზარი, 635 მაღაზია, მათ შორის 19 ჰიპერმარკეტი. ჯიხურები გაიხსნა 161 მისამართზე. გარდა ამისა, ბაზრობებია ჰოლოსიევსკის, დარნიცკის და შევჩენკოვსკის რაიონებში“, – განაცხადა ადმინისტრაციის ხელმძღვანელმა.
16 მარტს, დედაქალაქის ერთ-ერთ მეტროსადგურთან პოლიციამ რუსეთის ფედერაციის დივერსანტი დააკავა. მის ტელეფონში აღმოჩნდა ინფრასტრუქტურის, საგუშაგოებისა და შეიარაღებული ძალების მდებარეობის ფოტოები.
კომენტარები