როდემდე გაგრძელდება თოვა საქართველოში – ამინდის პროგნოზი

საქართველოში უახლოესი 3 დღის განმავლობაში კვლავ ცივი და ნალექიანი ამინდი შენარჩუნდება.

აღმოსავლეთ საქართველოში 19-21 მარტს ღამით -5 გრადუსი ყინვა იქნება, დღისით კი ჰაერი +4 +7 გრადუსამდე გათბება. 19 მარტს უმეტეს რაიონში თოვლი და ნისლია მოსალოდნელი, ითოვებს 20-21 მარტსაც.

დასავლეთ საქართველოშიც ღამით ყინვებია მოსალოდნელი, დღისით თოვლჭყაპი. ტემპერატურა ღამით -2 -4 იქნება, დღისით კი +7+9 გრადუსი.

ნალექიანი ამინდი შენარჩუნდება დედაქალაქშიც. უახლოესი 3 დღის განმავლობაში თბილისში ღამით თოვლი, დღისით თოვლჭყაპია მოსალოდნელი, ტემპერატურა 0-დან +5 გრადუსის შუალედში იქნება.