Bellingcat-ის გამომძიებელი ჟურნალისტი კრისტო გროზევი აცხადებს, რომ რუსეთში როსგვარდიის ხელმძღვანელის მოადგილე რომან გავრილოვი დააკავეს.
გროზევის თქმით, ინფორმაციას მას 3 სხვადასხვა, დამოუკიდებელი წყარო აწვდის.
“როსგვარდიის [რუსეთის შიდა ჯარის დანაყოფი, რომელმაც უკრაინაში კრახი განიცადა] ხელმძღვანელის მოადგილე გენერალი რომან გავრილოვი ФСБ-მ დააკავა. გავრილოვი ადრე ФСО-ში, პუტინის უსაფრთხოების სამსახურში მუშაობდა”, – წერს გროზევი.
გროზევი წერს, რომ გავრილოვის დაკავების მიზეზი ჯერჯერობით უცნობია, თუმცა ერთ-ერთი წყაროს ინფორმაციით, ის ФСБ-ს კონტრდაზვერვამ “სამხედრო ინფორმაციის გაჟონვის” გამო დააკავა.
კომენტარები